Salve apud L.V.P.A.m
L.V.P.A. est sodalitas iuris Germanici, sed inde a principio non pauci sodales (quinta fere pars) sunt alia civitate praediti. Nam Latinitas Viva etiam nostro tempore populos inter se coniungere potest; in festis, in conventibus, in seminariis nostris permultas amicitias procreat firmas. Mense Februario anni 2013 in L.V.P.A. erant 60 sodales. Nobis propositum est linguam Latinam in vitam revocare utendo ea tamquam lingua nostri temporis. Quandocumque ergo et ubicumque licet, Latine scribimus, loquimur, telephonamus; insuper certis temporis intervallis conventus instituimus, ut proposito nostro operam demus: conventus Circuli Lupiani sive LVPAni, bidua, septenorum dierum seminaria. Haec omnia pecunia a sodalibus data et a regimine administrata instituimus oboedientes legi nostrae, quae in diem L.V.P.A.e condendae ab Hassone Geißler causidico Latine et Germanice conscripta est. Visne sodalis fieri? Imprime Tibi formulam sive clicca hic STIPS ANNVA: ex anno 2019 ab unoquoque sodali quotannis colliguntur 30 euroni, a studentibus 15.
Seminarium Latinum Vilnense
Seminarium nostrum erit pars Anni Sarbieviani, qui nunc Vilnae in memoriam Matthiae Casimiri Sarbievii poetae celebratur. Sarbievius, unus ex clarissimis poetis barocis Europae, prope Varsoviam natus saeculo septimo decimo in Academia Vilnensi munere professoris theologiae, philosophiae, rhetoricae functus est. In iisdem aedibus igitur operibus eius incumbemus, ubi olim discipuli pedibus eius assiderunt.
De pretiis, ordine temporum, argumentis singularum scholarum et acroaseon, locis excursionum aliisque rebus necessariis vos hic certiores faciemus necnon schedam, qua nomina ad Seminarium detis, adiungemus.
Scholae Aestivae Vratislavienses
Scholae Aestivae Vratislavienses vos exspectant!
14.-27.7.MMXXV
https://wratislavia.ptf.edu.pl/
Varia
Anno 2013 Vindobonae habitus est XIII. Conventus Academiae Latinitati Fovendae, L.V.P.A. adiuvante institutus. Quod nostrae assiociationi magno honori est! Quomodo conventus ille noster evenerit, quid actum sit - legere potestis hic!
Schola Humanistica Patavina, quae a Paulo Pezzuolo L.V.P.A.e propraeside et Iosepho Marcellino regitur, nunc in pagina domestica sua sub rubrica "Silvae" amplam copiam nexuum praebet, quibus adeantur lexica Graeca et Latina. Qui eis uti vult, inveniet hic: lexica Latina atque lexica Graeca.
